Hlimlaini Blog Mizo Tan

Thangthleng hi Mizo te hian kan kam nasa hle mai a. Sava awh nan kan hmang nasa hle. Rah tlan kam nan a tha hle . A siam dan : A hrui ah hian khawl la hrui hrual fip tha tak leh a kurkum ah hian thirzai an hmang thin a. A zangsi ah hian hmawlhtê inches-2 vela sei an hmang tlangpui. A thleng ah hian mau phel an hmang a, a lema kan hmuh ang hian, a valh ba pawh hi sava ke awk tang thei tur velin an suih bial thin. Rah tlan kam nan kan hman lar ber a ni a. Thangthleng hi sava in an ngam hle a, thang khatah hian nikhatah vawi 4 te kan awh chang a awm fo.

Wildlife Scientist/Expert Mizoram rawn tlawhtu pakhat chuan heti hian a sawi - "Mizoram hmun tin deuh thaw, dai hnai mai mai pawh hi sakhi tan chuan an survive na tura hmun duhthusam a ni deuh vek. Kum thum chauh khawih miah lovin humhalh ula, an tam lutuk avangin hnawk in ti hial ang a, suat then in duh hial ang. Chutiang dinhmunah chuan phal chin tawk neiin a sa pawh in ei thei ang a, keipaw'n ka rawn ei ve ang. Heti khawpa hmuh tur a vang si hi a mak a ni," a ti hial. Chu chu Mizorama Forest Officer pakhat hnena a sawi ngei a ni. . Ram changkang tam takah chuan an ramsa thenkhat hi an population a san lutuk avangin suat then an duh thin a. Sawrkarin kah phal zat bituk siamin hunting season pawh a siam hial thin a. Chutiang dinhmunah chuan a sa ei pawh khap bur a ni lo ve fo. Mizoramah thenkhatin hunting season siamte an han sawi mawi ve ngawt hi chu a zia lo lam a ni. . Sakhi tak ngial pawh Mizoramah chuan endangered species a ni thaw thang tawh a ni a. Heti khawpa S...